Ditën e sotme shënohen tre vjet nga tërmeti tragjik i 26 nëntorit të vitit 2019, ku 51 persona humbën jetën dhe qindra të tjerë mbetën të plagosur.
Durrësi dhe zona e Thumanës pësuan dëmet më të mëdha, ku si pasojë e shembjes së qindra banesave dhe pallateve mbetën të pastreha shumë familje.
Por ndonëse kanë kaluar tre vjet një pjesë e familjeve të mbetura të pastreha, vijojnë të jenë ende të tilla, ku nuk janë të paktë ata që qëndrojnë në çadra, duke mos e marrë ende banesën e premtuar nga rindërtimi.
Zyrtarisht tërmeti u klasifikua 6.4 ballë i shkallës rihter, ndërkohë që pasgoditjet vijuan për disa ditë, duke krijuar panik në njerëz, arrati nga shtëpitë e tyre dhe pasiguri për t’u kthyer mbrapsht.
Për rimëkëmbjen dhe rindërtimin pas tërmetit shtete të ndryshme ofruan ndihmat e tyre, ku disa lagje janë krijuar nga e para, duke kompensuar të dëmtuarit dhe shumë të tjerë mbesin ende në pritje, për të pasur një çati mbi kokë.
0 Comments: