Fushata elektorale nga ana e partive politike në vend, nuk ka gjetur gjithaq respektim të masave antiCovid. Kryeministri Edi Rama, ka atakuar gjatë gjithë kohës, partinë rivale PD për mosrespektim të këtyrë masave në tubimet e tyre elektorale, duke përsëritur faktin se është e rëndësishme që palët politike në këtë fushatë elektorale të zbatojnë masat anticovid, si një mënyrë për të shpëtuar dhe ruajtur sa më shumë jetë njerëzish.

Por, pamjet që na vijnë nga një tubim i madh elektoral i PS në Librazhd, japin një ngjtrë tjëtër, nga ajo sa është thënë nga vet kryesocialisti Rama.

Në video kryetarja e FRESSH-it në Librazhd, Brixhilda Biçaku ka mbledhur të gjithë të rinjtë përkrahës të Partisë Socialiste në një ambient të mbyllur për të festuar.

Në video dëgjohet teksa kryetarja e FRESSH-it në Librazhd i kërkon të rinjve që të mos filmojnë dhe nëse dikush dehet, shoku t’i marrë telefonin nga dora. Ndërkohë Biçaku nuk ndalet me kaq, por i premton të rinjve dhe një ‘mega party’ tjetër kur kryeministri të vij sërish.