Gjatë së martës në Elbasan u përurua Hidrocentrali HEC Rapuni 3&4 si një investim i Kishës Ortodhokse Autoqefale Shqiptare në sektorin e energjitikës. Sipas një njoftimi për shtyp të Kishës Ortodhokse ky hidrocentral është ndërtuar si nismë dhe ka qenë nën kujdesin e vazhdueshëm të Kryepeshkopit Janullatos.

Hidrocentrali është ndërtuar në rrjedhën e poshtme të lumit Rrapun dhe përbëhet nga disa sektore kryesore si, vepra e marrjes nivel ngritëse, dekantuesi, tuneli hidroteknik, godina e HEC-it, kulla e ekuilibrit dhe nënstacioni (lidhja me sistemin energjitik shqiptar). Gjithmonë sipas Kishës Ortodokse kjo vepër është ndërtuar në përputhje me strategjinë e qeverisë shqiptare për sektorin energjitik dhe në përputhje të plotë me zhvillimin rajonal të qarkut të Elbasanit. Fondet që do të përfitohen do të përdoren për aktivitetet e kishës, financimin e strukturave të saj dhe simotrave nëpër botë. I gjithi ky investim pritet të përkthehet në një ndikim pozitiv në pavarësinë ekonomike të Kishës Ortodokse.

Ky investim ka edhe objektiva finalë si garantimi i vazhdimësië së veprës sociale të Kishës, mbështetjen e programeve për fëmijë, të rinjtë si dhe në përkujdesjen ndaj njerëzve nënevojë. Këtu përfshihen edhe synime si resaturimi dhe mirëmbajtja e kishave dhe manastireve por edhe ndërtimi i veprave ortodokse të reja.