Ministri gjerman i Financave, Christian Lindner tha se Vladimir Putin jo vetëm që dëshiron ta fshijë Ukrainën nga harta, por ta përçajë Evropën dhe NATO-n dhe të sigurohet që SHBA të largohen nga Evropa.

“Synimi i Putinit nuk është Ukraina. Synimi i Putinit është të jetë në gjendje të ushtrojë pushtet mbi neve. Ai nuk duhet të ketë sukses në këtë kurrë”, tha ai.

“Detyra që na pret për ta mbrojtur paqen dhe lirin në Gjermani, Evropë dhe në botë nuk është e kufizuar në vetëm në disa vite. Mbase është një detyrë që zgjat me dekada apo gjenerata”, tha Lindner.