Duke nisur nga 18 korriku dhe deri në 24 korrik, në Tiranë do të mbahet edicioni i parë i festivalit të filmit, Travel Fest Albania.

Një lajm i tillë bëhet i ditur nga ministrja e Turizmit, Mirela Kumbaro, e cila njofton edicionin e parë të festivalit.

Mirëmëngjes me edicionin e parë të festivalit të filmit Travel Fest Albania.

Nga 18 deri në 24 korrik do t’i shtohet mozaikut të aktiviteteve në Tiranë me filma nga e gjithë bota që promovojnë turizmin, zhvillimin e qëndrueshëm , udhëtimet dhe natyrën.

Travel Fest Albania do të zhvillohet në Tiranë, duke shfaqur filma të fokusuar në zhvillimin e qëndrueshëm dhe turizmin natyror, duke eksploruar tendencat më novatore në përfaqësimin audiovizual të përvojës së udhëtimit nëpër botë.

Fituesit do të shpërblehen në një ceremoni speciale në ditën e fundit të Festivalit dhe mund të regjistrohen për një udhëtim tre ditor në destinacionet e mrekullueshme të udhëtimit shqiptar. Ky projekt mbështetet nga Ministria Shqiptare e Turizmit dhe Mjedisit.