Ryan Kaji, kanali i të cilit “Ryan World” ka 22.9 milionë abonentë, fitoi 26 milionë dollarë në vitin 2019 - 4 milionë dollarë më tepër se në vitin 2018, kur fitoi vendin e parë në "YouTuber".

“Forbes” vlerëson se dhjetë personat me më shumë fitime në “YouTube”, i cili është në pronësi të “Google”, sollën në total 162 milionë dollarë midis 1 qershorit 2018 dhe 1 qershorit 2019.

Ryan së pari fitoi në internet duke ndjekur në zhanrin "unboxing", i cili përfshin hapjen e dhuratave në kamera dhe komentimin e secilës prej tyre.

Një fëmijë tjetër, Anastasia Radzinskaya, pesë vjeç, erdhi në vendin e tretë me të ardhura prej 18 milionë dollarë.

Radzinskaya, e cila ka lindur në Rusinë Jugore dhe ka paralizë cerebrale, shfaqet në video me babanë e saj.

Sipas Forbes, ajo ka 107 milionë abonentë nëpër shtatë kanale dhe videot e saj janë parë 42 miliardë herë.

Një nga videot e saj më të suksesshme është filmuar në një udhëtim në një kopsht zoologjik, ku ajo dhe babai i saj vallëzuan në "Baby Shark".

“Dude Perfect”, një grup prej pesë miqsh në të tridhjetat e tyre që luajnë sport, erdhën në vendin e dytë, duke fituar 20 milionë dollarë.

“YouTube” ka njoftuar se vitin e ardhshëm do të ndalojë reklamat e personalizuara në përmbajtjen e fëmijëve.

Kjo vjen pasi “Google” ra dakord të paguante 170 milionë dollarë për të zgjidhur akuzat sipas të cilave “YouTube” theu ligjin kur me vetëdije gjurmoi dhe shiti reklama të synuara për fëmijët.

Fituesit më të mëdhenj të YouTube për vitin 2019

1 - Ryan Kaji, 26 milionë dollarë

2 - Dude Perfect, 20 milionë dollarë

3 - Anastasia Radzinskaya, 18 milionë dollarë

4 - Rhett dhe Link, 17.5 milionë dollarë

5 - Jeffree Star, 17 milionë dollarë

6 - Preston (Preston Arsement), 14 milionë dollarë

7 (të përbashkët) - PewDiePie (Felix Kjellberg, 13 milionë dollarë

7 (të përbashkët) - Markiplier (Mark Fischbach), 13 milionë dollarë

9 - DanTDM (Daniel Middleton), 12 milionë dollarë

10 - VanossGaming (Evan Fong), 11.5 milionë dollarë /CNN/