Detaje të reja janë zbuluar nga operacioni i zhvilluar ditën e djeshme në kuadër të hetimeve për krime zgjedhore, ku ndër personat e kontrolluar është edhe ish-kryetari i Bashkisë së Kavajës, Elvis Rroshi.

Sipas burimeve zyrtare janë ushtruar kontrolle fizike në banesat e 5 personave të dyshuar. Gjatë këtyre kontrolleve janë sekuestruar materiale të ndryshme që mund të lidhen krimet zgjedhore.

Në banesën e ish-kryebashkiaku Elvis Rroshi, janë sekuestruar telefoni celular, fatura, kupona nafte dhe lista zgjedhësish.

Gjithashtu, shtetasve Orges Sinella, 38 vjeç, dhe Tak  Rroshi., 44 vjeç, të dy nga Kavaja, si dhe Tauland Hasa., 35 vjeç, nga Qerreti i Durrësit, u janë sekuestruar telefonat celularë. Ndërkohë, nga kontrolli ndaj Mirel Sinella., 37 vjeç, banues në Kavajë, i janë sekuestruar një pajisje DVR, kupona nafte dhe një pistoletë manovër.

Të gjithë këta shtetas dyshohen për përfshirje në veprën penale të korrupsionit aktiv në zgjedhje, ndërsa hetimet vazhdojnë në kuadër të procedimit penal të nisur nga autoritetet.