Eksperti kontabël Altin Sulejmani tha në studion e emisionit “MCN Economy” se “paqja fiskale” e propozuar nga kryeministri Rama është rrezik për pastrim të mundshëm të parave në të ardhmen.

Kësaj radhe është ‘paqe fiskale’. Po pse ishim në luftë, me cilin ishim në luftë, kush ishte në luftë dhe me kë? Bën paqe gjatë luftës ose pas saj. Nuk e dija që ishte në luftë. Lë të kuptohet që qeveria po shpall paqen, kush mbetet? Në mënyrë të pandërgjegjshme po na pranojnë që janë në luftë me biznesin.

Me siguri është amnisti. Por e kujt?

Bëhet fjalë për bilancet fiskale. Për të ardhurat e bilanceve. Në rast se deklaron pa pasur nevojë të ofrosh dokumentacion, pa pasur nevojë të  japësh arsye, duke qenë i lirë që askush të mos vijë dhe të kërkojë diçka, këtu nga njëra anë është evazioni fiskal i shkuar që mund të deklarohet.

Shoh dhe një pastrim të mundshëm  parash në të ardhmen.