CIA, agjencia amerikane e inteligjencës së jashtme, ka konfirmuar vdekjen e djalit të zëvendësdrejtores së saj në luftën në Ukrainë.

Michael Gloss, djali i një zëvendësdrejtoreshe të CIA-s, Juliane Gallina (Gloss), ishte regjistruar në ushtrinë ruse dhe vdiq në luftën në Ukrainë në vitin 2024 .

Një zëdhënës i CIA-s konfirmoi lajmin, sipas transmetuesit amerikan NBC News.

Gallina dhe familja e sajj përjetuan një tragjedi personale të paimagjinueshme në pranverën e vitit 2024, kur djali i tyre Michael, i cili vuante nga sëmundje mendore, vdiq gjatë luftimeve në Ukrainë.

Deklarata e CIA-s nuk specifikoi se në cilën anë luftoi djali. Një zëdhënës i CIA-s tha gjithashtu se agjencia beson se vdekja e Michael Gloss është “një çështje personale familjare dhe jo çështje e sigurisë kombëtare”.

Nëna e Michael Gloss, Juliane Gallina, u emërua zëvendësdrejtoreshë për inovacionin dixhital në CIA në shkurt 2024.

Në atë kohë, djali i saj po luftonte në ushtrinë ruse dhe vdiq në rajonin e Donetsk në fillim të prillit 2024.