Një shpërthim eksplozivi është shënuar në orët e para të mëngjesit të sotëm, në lagjen nr. 7, Durrës.

Nga të dhënat paraprake policia bën me dije se ngjarja ka ndodhur në qepenin e një butiku në pronësi të shtetases Jonida Karaboja,  ku ka shpërthyer një sasi e vogël, e dyshuar lënde plasëse.

Për pasojë, janë shkaktuar dëme të vogla materiale.

Në ambientet e Komisariatit të Policisë Durrës janë shoqëruar disa shtetas dhe vijon puna intensive nga grupi hetimor, nën drejtimin e Prokurorisë, për sqarimin e rrethanave të ngjarjes,  identifikimin dhe kapjen e autorit/ëve.