Në një takim me mediat sot në mesditë, kryeministri Rama tha se në formularin e ardhshëm të këshillimit kombëtar, shqiptarët do të pyeten për legalizimin e kanabisit për përdorim vetjak. Kreu i qeverisë tha se idenë e legalizimit të kanabisit për përdorim mjekësor e mbështetën gjysmë milioni qytetarë. Ndaj në këshillimin e radhës, një nga pyetjet do të jetë njëkohësisht edhe dilema e tij.
Ju kujtoj që për legalizimin e kanabisit mjekësor e kemi konsultuar me shqiptarët dhe në këshillimin kombëtar kanë marrë pjesë gati gjysmë milionë shqiptarë që kanë thënë po, do bëhet. Në këshillimin e ardhshëm do i pyesim edhe nese doni të legalizohet dhe përdorimi rekreativ i kanabisit apo jo, do i pyesim, pra për përdorimin personal.
Apo do vijojë të jetë krim që dënohet dhe që çon fatkeqësisht shumë të rinj në burg. Nëse do thonë po do e bëjmë edhe atë, se kemi një dilemë për këtë gjë. Po të më pyesni mua tani, e po t’u hap mendjen e zemrën do shikoni që jam i dyzuar në këtë pikë. Dhe në diskutimet e brendshme ka pro e kundër, ndaj është këshillimi kombëtar”, tha Rama.
0 Comments: