Teologu mysliman Xhemis Stafa debatoi në emisionin “Arnautistan” në MCN TV me moderatorin Mustafa Nano lidhur me mënyrën se si konsiderohet gruaja në Kuran.
Teologu tha se nuk është e vërtetë që në Kuran thuhet se gruaja qëndron një shkallë poshtë burrit. Megjithatë ai vuri në dukje dallimet që ekzistojnë mes gruas dhe burrit.
Nuk e thotë. Zoti madhështor ka krijuar burrin edhe femrën. Evën e krijoi nga brinja e Ademit, nuk e krijoi nga këmbët që gruaja ta shkelë me këmbë, as na koka, që ta drejtojë, por nga brinja që ta dashurojë. Ka ndryshime mes burrit dhe gruas. Gruaja quhet seks i dobët. Femrën Zoti e ka bërë të bukur në konstrukt. Të dy ndryshojnë, nuk janë të barabartë. Burrin Zoti e ka bërë bari të familjes. Ka edhe gra që ua kalojnë burrave, por s’mund të bëhet rregull i përgjithshëm. Unë nuk jam më i zoti se ime shoqe në çdo gjë. Burri merr pjesën e një lideri në familje. Një femër që mund të jetë e zonja, është e lirë. Gruaja pa burrin, jo se nuk e përballon jetën, por e shikon si barrë më të madhe. Prandaj Zoti e ka bërë burrë-grua, s’e ka bërë burrë-burrë siç na predikohet. Një femër që lind është e barabartë me dhimbjen e thyerjen e 30 kockave të burrit. Mjekra ka qenë cilësi e profetëve dhe pastaj erdhi te Aleksandri i Madh. Në fenë islame do të thotë urtësi, mirësi. Nga ndryshon luani me luaneshën nga krifa, edhe burri me gruan. Një grua që s’mbulohet patjetër mund të jetë myslimane. Në ritin e faljes është detyrim mbulesa. Kur erdhi Islami e nderoi gruan, i dha të drejta. Arabët para Islamit i vrisnin vajzat. I dha të drejtë trashëgimie. Islami jo vetëm e vlerëson femrën, por profeti Muhamed thotë që kush edukon tre vajza hyn në xhenet”.
0 Comments: