Ish-kryetari i Komunës së Velipojës është plagosur me armë zjarri mbrëmjen e sotme. Sipas burimeve nga policia, i plagoosur ka mbetur shtetasi Pashko Ujka.
Ngjarja ka ndodhur në qendër të qytetit të Shkodrës, në afërsi të Kishës Ortodokse.
Në vendngjarje kanë shkuar forca të shumta policie, ndërsa janë ngritur postblloqe për kapjen e autorëve.
Njoftimi i policisë:
Rreth orës 18:15, në lagjen “Vasil Shanto” Shkodër, në rrethana ende të paqarta është plagosur me armë zjarri shtetasi P. U., 64 vjeç, i cili ndodhet në spital nën kujdesin e mjekëve.
Në vendngjarje kanë mbërritur menjëherë shërbimet e Policisë dhe vijon krehja e zonës me qëllim kapjen e autorit.
Grupi hetimor nën drejtimin e Prokurorisë po vijon punën për sqarimin e rrethanave dhe zbardhjen e ngjarjes.
Kush është Pashko Ujka?
Pashko Ujka ka shërbyer si deputet në disa legjislacione. Në vitet 2005-2009, Ujka shkoi nga Partia Aleanca Demokratike te Partia Demokristiane e Nard Ndokës ku mbajti për disa kohë postin e kreut të grupit parlamentar. Në vitin 2009 ai u shkarkua nga Nard Ndoka lidhur me mënyrën e votimit dhe pas përçarjes së partisë. Ujka ka drejtuar komunën e Velipojës për një mandat në vitet 2011- 2015 nën siglën e PS-së, ndërkohë që ka qenë dhe në krye të ekipit sportiv “Ada”. Ai ka qenë shënjestër e atentateve dhe dy herë të tjera.
0 Comments: